• Mirëserdhët!

    Mirëserdhët ne faqen virtuale të Dardhës.Të nderuar miq e bashkëfshatarë të Dardhës!Faqja virtuale e Dardhës u krijua për të mësuar gjithkush më shumë rreth këtij fshati me tradita dhe zakone të vecanta, të pasur me folklor dhe këngë, mbushur me histori nga më të bukurat, që rrallë i kanë përjetuar edhe qytetet.Jeni të ftuar të gjithë, të shkruani dhe të ofroni atë ç'ka dini rreth këtij fshati relativisht të ri në moshë, por të pasur në rrugën e tij.
  • 1
  • 2
  • 3
  • 4
image

Forumi

Identifikohuni ne menyre qe te keni akses Read More
image

Arkiva

Te gjithe artikujt Read More
image

Fotogaleria

Identifikohuni ne menyre qe te keni akses Read More
image

Videogaleria

Identifikohuni ne menyre qe te keni akses Read More
  • 1
  • MIRË SE VINI NË DARDHË!

  • EJA NE DARDHËN E BUKUR!

  • 1
  • 2

DARDHA - reklamë e vitit 1935

Një publicitet për DARDHËN në shtypin e kohës të vitit 1935.  

* Dardha * është një nga fshatrat më klimaterikë dhe më piktoreskë të Shqipërisë.

Është vendi ideal për të kaluar në prehje dhe qetësi muajt plot vapë e mërzitje të verës.

Me lartësinë e saj prej 1500 metrash nga rafshësija e detit, Dardha është vëndi m’i përshtatëshmë për vilegjiaturë dhe për dëfrim në kohë vere.

Ndodhen gjithë lëhtësirat e nevojshme.

Ka dy Hotele  të pastër, Kafenera, Ëmbëltore etj.

Jepen gjith ashtu edhe shtëpi me qira me çmime fare të lira.

Udhëtim i përditshëm me automobile që nga Korça e vice-versa.

S’ka njeri që t’a ketë vizituar një herë Dardhën, të ketë qëndruar atje nonjë muaj verë, dhe të mos ketë dashur të vejë përsëri.

Bëni një vizitë gjer në Dardhë që të bindi për jetën e qetë dhe gazmore që shkohet atje.

* Kjo reklamë është shkruar ashtu si në vitin 1935, pa asnjë ndryshim. *

Hotele 2 , “Turisti “ dhe “Dëfrimi”.

Automobila 5 , Pandi Boçi, Jovan Mulliri, Miço Zdruli, Vaso Pançi, Mihal Daku.

DARDHA 1935

Më shumë nga Dardha

  • 1

Vëndodhja e Dardhës

19 kilometra në juglindje të Korçës, në një lartësi gjeografike impresionuese mbi 1300 m, që vetvetiu e çon përfytyrimin tek dimri i gjatë me borë, tek pranverat e ndezura nga blerimi, tek verat e puhizave e vijnë nga pyjet, tek vjeshtat me palete piktorike prej ylberi,  ndodhet ky 

margaritar.

Who's Online

The Who's Online Module displays the number of Anonymous Users (e.g. Guests) and Registered Users (ones logged in) that are currently accessing the Web site. Help

Nënkategoritë

Histori

UNË E DUA DARDHËN

Dritëro Agolli, Shkurt 1985

Unë e kam dashur Dardhën që kur e kam parë, që në fëmiri. Im atë kishte shumë miq në Dardhë dhe kur shkonte atje më merte me vehte në vithet e kalit. Ne ngriheshim errët dhe mernim rrugën nga Menkulasi për të shkuar në fshatin që e donim aq shumë. Mëngjezi na zinte në Dardhë. Ahishtet, që i rinin si kurorë fshatit dhe Guri i Vjeshtës që qëndronte në krah të ti dukeshin sikur, lundronin në një push të florinjtë, se dielli i a lëshonte rrezet e arta të mëngjesit.

-Ky është fshat - thoshte im atë me vështrim nga Dardha, sikur donte të mburej që i pari na kishte treguar dhe i pari na kishte ushqyer dashurinë për të.

Dhe mua më pëlqenin shtëpitë e gurta dhe rrugët dhe rrugicat e gurta. Më pëlqenin edhe kumbullat kur mbusheshin me lule të bardha e pakëz si më të kuqëremë. Por i desha më shumë lulet në dritaret e shtëpive. Tim eti i pëlqënin më shumë kumbullat:

            -Ah ç’ janë këto! - thoshte i ndjeri.

Unë në fillim nuk  dinja pse i pëlqenin kumbullat. Pastaj kur u rrita edhe pak, e mësova. I pëlqenin se nga to delte raki e mirë.

E kështu që atëhere në fëmirinë time të herëshme, u dashurova me Dardhën. Vitet ikën, dashuria mbeti dhe u rrit më shumë. Këtë dashuri nuk e rritën vetëm shtëpitë e gurta dhe rrugët e gurta të bukura, ahishtja dhe Guri i Vjeshtës. Dashurinë e rritën njerëzit e Dardhës. Unë zura shumë shokë nga Dardha: Endri Kekon, Sotir Velon, Teodor Laçon, Sofokli Thimon, Vaskë Zdrulin dhe dashuruesin e këngës popullorëe të Devollit, Koci Zdrulin që tashi nuk jeton. Koci pati mbledhur shumë këngë popullore, duke udhëtuar fshat më fshat që nga Dardha deri në Cangonj, tej e tej Devollit. Dhe kur shkonja në Dardhë ai më merte në shtëpi dhe më tregonte fletoret e mbushura me këngë. Pastaj ne këndonim.

Nga dashuria për Dardhën, unë fillova të bëhem si çilimi. Shikonja hartën e Shqipërisë për të gjetur Dardhën etj. siku këto të ishin pemë, dmth dardha, dhe doja t’i povonja se cila ishte më e ëmbël. Dhe gjeja në hartë: Zall Dardhë, Dardha e Tomoricës, Kurorë Dardhë, Dardha e ... Atëhere ç’ ndodhi me mua? ndodhi vërtet si në një kopësht me dardha. Unë mora një herë rrugën dhe shkova në Dardhën e Tomoricës. E dini se për çudi, kjo Dardhë i ngjante Dardhës sime? Kishte shtepi të gurta e rrugë të gurta. Edhe atje binte dëborë, edhe atje çelnin kumbllat lule të bardha. Pastaj shkova në Zall Dardhën e Peshkopisë. Ishte tjetër Dardhë, po edhe ajo kishte një bukuri të veçantë. Mora rrugën për në Kurorë Dardhën e Pukës. Edhe ajo ishte e hijshme.

Mes këtij kopshti me Dardha të vendit tim është Dardha ime. Megjithse nuk kam lindur në asnjë nga këto Dardha  unë i quaj të miat.  Ah! Sa e dua këtë emër Dardhë! Por nga dardhat e tjera për mua është më e ëmbël....

Dardha të sotmen e ka në degët dhe fletët që blerojnë, e ka atje ku vrapon lëngu i jetës. Të kaluarën e ka në rrënjët e thella, që edhe ato jetojnë. Rrënjët dhe degët e Dardhës jetojnë. Në rrënjët është historia,  është origjina e biografisë sonë: janë luftrat e përpjekjet për liri e zgjim kombëtar, janë patriotët si Sotir Peci me shokë; janë dëshmorët partizanë dhe lufta partizane. Kështu ne jetojmë me Dardhën.

Unë e dua Dardhën dhe dardharët, nuk kam frikë se ju marr atyre një pjesë të dashurisë. Dashuria kur ndahet shtohet e shumëzohet....

Dritëro Agolli

Shkurt 1985

Mbështetësit dhe Partnerët tanë!

Mirënjohje për mbështetësit e partnerët tanë dhe gjithë suportin e tyre!

Qëndroni të informuar në çdo kohë për postimet e reja.

 

Identifikimi juaj

Hyni Ketu!

Navigimi në këtë faqe, bëhet vetëm nëpërmjet antarsimit. Për më shumë informacion rreth antarsimit, ju lutemi drejtojuni administratorëve të faqes.